சிவகார்த்திகேயன் “டான்” படத்தில் இணைந்த ஐந்து நட்சத்திரங்கள்

சிவகார்த்திகேயன் டாக்டர்’ மற்றும் ‘அயலான்’ படங்களைத் தொடர்ந்து, ‘டான்’ படத்தில் நடிக்க உள்ளார். சிவகார்த்திகேயன் புரடொக்சன்ஸ் மற்றும் லைகா நிறுவனம் தயாரிக்கும் இந்தப் படத்திற்கு அனிருத் இசையமைக்க உள்ளார். இப்படத்திற்கு கே.எம்.பாஸ்கரன் ஒளிப்பதிவு செய்கிறார்.

இதில் சிவகார்த்திகேயனுக்கு ஜோடியாக ப்ரியங்கா மோகன் நடிக்கவுள்ளார். இவர் சிவகார்த்திகேயனுடன் முன்னதாக ‘டாக்டர்’ படத்தில் நடித்துள்ளார். இந்தப் படம் வருகிற, மார்ச் 2ஆம தேதி வெளியாக உள்ளது என்பது குறிப்பிடத்தக்கது.

மேலும், டான் படத்தில், சமுத்திரக்கனி, எஸ்.ஜே.சூர்யா, சூரி ஆகியோர் நடிக்க ஒப்பந்தம் செய்யப்பட்டு இருந்தனர்.
இந்நிலையில் இந்தப் படத்தின் பூஜை மற்றும் படபிடிப்பு நாளை கோயம்புத்தூரில் தொடங்க உள்ளதாக அறவிப்பு வெளியாகி உள்ளது. மேலும் 30 நாட்களில் 70 சதவீத படபிடிப்பை முடிக்க படக்குழு திட்டமிட்டுள்ளதாக தகவல்கள் வெளியாகியுள்ளன.

இதனிடையே படத்தில் நடிக்க உள்ள ஐந்து பிரபலங்கள் பற்றிய அறிவிப்பும் வெளியாகி ரசிகர்களை கொண்டாட்டத்தில் ஆழ்த்தி இருக்கிறது படக்குழு. அந்த வகையில் முனீஸ்காந்த், காளி வெங்கட், பால சரவணன், ஆர்.ஜே.விஜய் மற்றும் சிவாங்கி என நட்சத்திர பட்டாளமே படத்தில் இணைந்து உள்ளதாக சற்று முன்னர் தயாரிப்பு நிறுவனம் அறிவித்துள்ளது.

சூப்பர் சிங்கர் நிகழ்ச்சியின் மூலம் பிரபலமடைந்து சிவாங்கி, குக் வித் கோமாளி நிகழ்ச்சியின் மூலம் பிரபலமானவர். சின்னத்திரையில் அதிக பார்வையாளர்களை கொண்ட ரியாலிட்டி ஷோக்களில் ஒன்று குக் வித் கோமாளி. ரசிகர்களிடம் அதிக வரவேற்பை பெற்ற இந்த ஷோ முதல் சீசன் வெற்றிகரமாக முடிவடைந்து தற்போது 2ஆவது சீசன் நடைபெற்று வருகிறது. இந்த இரண்டு சீசன்களிலும் பங்கேற்று, மிகவும் பிரபலமானவர் சிவாங்கி. தொலைக்காட்சி நிகழ்ச்சிகளில் மட்டும் பங்கு கொண்டிருந்த ஷிவாங்கி முதன்முதலாக சிவகார்த்திகேயன் படத்தில் நடிக்க உள்ளார் என்பது பெரும் பரபரப்பை ஏற்படுத்தி உள்ளது.

மேலும் சமீபத்தில் ‘குக் வித் கோமாளி’ நிகழ்ச்சியில் விருந்தினராக வந்திருந்த சிவகார்த்திகேயன் ஷிவாங்கியின் நடிப்பு எனக்கு ரொம்ப பிடிக்கும் என்று கூறி இருந்தார் என்பது குறிப்பிடத்தக்கது.

இதனால், கல்லூரி பின்னணியில் உருவாகும் டான் படத்தில், நகைச்சுவைக்கு பஞ்சமே இருக்காது என்று தெரிகிறது.. இதனால் ரசிகர்கள் மத்தியில் படத்தின் மீதான எதிர்பார்ப்பு அதிகரித்துள்ளது.